काठमाडौं । राष्ट्रपति रामचन्द्र पौडेल कारकेड नलिई बसन्तपुरस्थित कुमारी घर पुगेका छन् ।

राष्ट्रपति पौडेलले बिना तामझाम शनिबार अपरान्ह कुमारी घरमा दर्शन गर्न पुुगेका हुन् ।

राष्ट्रपति पौडेलले सडक खाली गराएर मात्रै सवारी हुने परम्परा तोडेका छन्। कारकेड बिनानै उनले त्यहाँ पुगेर कुमारीको दर्शन गरे ।

त्यसक्रममा सर्वसाधारणले सडकमा सवारी साधन चलाइरहेका थिए भने पैदलयात्रुलाई पनि रोकिएको थिएन ।

कुमारीको दर्शनपछि राष्ट्रपति पौडेलले प्रसाद ग्रहण गर्नुका साथै कुमारी घरमा चियापान गरेर फर्केका थिए। राष्ट्रपति पौडेलले पहिलोपल्ट कुमारी घरमा चिया पिएका थिए।