काठमाडौं । नेकपा एमालेका अध्यक्ष केपी शर्मा ओलीले नेपाली कांग्रेससँगको सहकार्यबारे बोल्ने बेला नभएको बताएका छन् ।

उपराष्ट्रपतिमा मतदान गरेर बाहिरिने क्रममा अध्यक्ष ओलीले यस्तो बताएका हुन् ।

फागुन २५ गते भएको राष्ट्रपतिको निर्वाचनपछि ओलीले कांग्रेससँग नमिल्ने भनेर आफूहरूले कसम नखाएको अभिव्यक्ति दिएका थिए ।

अर्को पनि पढ्नैपर्ने

एमाले र कांग्रेस एकैठाउँ नहुने कसम खाएका छैनौँ : अध्यक्ष ओली

त्यसलगत्तै कांग्रेस महामन्त्री गगन थापाले ओलीलाई जवाफ फर्काउँदै २०८४ सालसम्म त्यो सम्भव नभएको बताएका थिए ।

अर्को पनि पढ्नैपर्ने

ओलीलाई गगन थापाको प्रश्न – एउटै कुरामा कांग्रेसलाई कतिपटक धोका दिने ?

त्यसको जवाफ आज ओलीले फर्काएका हुन् ।

अध्यक्ष ओलीले भने, ‘एकजना अलिक चर्का कांग्रेसले कति सालपछि भेट हुन्छ भन्नुभएछ । प्रतिपक्षमा भेट्न ०८४ साल पर्खिनुपर्छ ? अहिले भेट्नुभएको छैन । उहाँहरूको यो कुराले उहाँहरूभित्र निकै ठूलो गडबडी देखिन्छ । नत्र किन त्यस्तो बोल्नुपर्‍यो ?’

उनले संघदेखि प्रदेशसम्म प्रतिपक्षमा पुगेपनि देश र जनताको पक्षमा काम गर्ने बताए ।