काठमाडौं । काठमाडौं उपत्यका अपराध अनुसन्धान कार्यालयको टोलीले नक्कली सवारी चालक अनुमति पत्र बनाउने कार्यमा संलग्न एक जनालाई पक्राउ गरेको छ ।

पक्राउ पर्नेमा पर्साको विरगंञ्ज महानगरपलिका ५ का पारस साह तुराह रहेका छन् ।

प्रहरीले तुराहमाथि शंका लागि शरीर खानतलासी गर्ने क्रममा उनको साथबाट नक्कली लाइसेन्स फेला परेको थियो ।

काठमाडौँबाट पक्राउ परेका उनीमाथि लिखत सम्बन्धी कसुरमा आवश्यक अनुसन्धान तथा कारवाही प्रक्रिया अघि बढाइएको काठमाडौं उपत्यका अपराध अनुसन्धान कार्यालयले जनाएको छ ।