काठमाडौं । गायिका समीक्षा अधिकारी अस्ट्रेलिया उडेकी छन् । उनी गत मंगलवार राती त्रिभुवन अन्तराष्ट्रिय विमानस्थलबाट अस्ट्रेलिया प्रस्थान गरेकी हुन् ।

टिकटकमा भेटिएका उनका भिडिओ र अस्ट्रेलियामा पुगेपछि उनका आफन्तले गरेको स्वागतले उनी लामो समयका लागि अस्ट्रेलिया गएको अनुमान गरिएको छ ।

तर स्रोतका अनुसार समीक्षा कार्यक्रमहरूमा सहभागी हुन अस्ट्रेलिया उडेकी हुन् । उनी अब झन्डै दुई–तीन महिना उतै रहने बताइएको छ । तर समीक्षाले यस विषयमा केही बोलेकी छैनन्। सानो उमेर लोकप्रियताको उडान भरेकी समीक्षा केही समययता तनावको जिन्दगी बाँचिरहेकी छन् ।

उनले गाएका ‘फेरि कहाँ आउँछ र घुमेर, यो बालापनको उमेर’, ‘माया मारेर’, ‘आधी कपाल’, ‘तिम्रै मायाले’, ‘पिपलु बर’, ‘नबोली नबोली’, ‘पछ्यौरी लिस्यो’, ‘धनगढीको बसमा’ लगायतका थुप्रै गीत हिट छन् ।