काठमाडौं । प्रधानमन्त्री पुष्पकमल दाहाल ‘प्रचण्ड’ले नवनिर्वाचित राष्ट्रपति रामचन्द्र पौडेललाई अँगालो बाँधेर बधाई दिएका छन् ।

नेकपा माओवादी केन्द्रका अध्यक्ष समेत रहेका प्रचण्ड सम्मिलित ८ दलीय गठबन्धनको समर्थनमा पौडेल बिहीवार राष्ट्रपति निर्वाचित भएका हुन् ।

पौडेल राष्ट्रपति निर्वाचित भएपछि प्रचण्डले खुशी व्यक्त गरेका छन् ।

निर्वाचनमा पौडेलले ३३ हजार ८०२ मतभार पाउँदा नेम्वाङले १५ हजार ५१८ मतभार ल्याएका छन्।

राष्ट्रपति निर्वाचनका लागि कांग्रेसले सत्ताको नेतृत्व गरिरहेको नेकपा माओवादी केन्द्रसहितका ७ दलसँग गठबन्धन गरेको थियो।