काठमाडौं । रुकुम पश्चिममा भएको घटनामा मारिएका जाजकरकोटका नवराज विकलाई सरकारले मरणोपरान्त पुरस्कृत गर्ने भएको छ ।

संस्कृति, पर्यटन तथा नागरिक उड्डयन मन्त्रालयले २०७६ सालको भगत सर्वजित मानव मर्यादा पुरस्कारअन्तर्गत समाज सुधार अभियानतर्फ उनलाई पुरस्कृत गर्ने निर्णय गरेको हो ।

यो पुरस्कारको राशि एक लाख रुपैयाँ रहेको छ । समाज सुधार, सामाजिक न्याय, समता तथा दलित मुक्ति आन्दोलनमा योगदान गरेका भगत सर्वजित विश्वकर्माको कदरस्वरुप सरकारले २०७३ सालबाट यो पुरस्कार प्रदान गर्न सुरु गरेको थियो ।

यस्तै सरकारले अन्य क्षेत्रमा योगदान पु-याएका विभिन्न व्यक्तिहरुलाई पनि सम्मान गर्ने भएको छ ।

पुरस्कारसम्बन्धी पर्यटन मन्त्रालयको विज्ञप्ति यस्तो छ ।