काठमाडौं । फिल्म ‘जुलेबी’ को फस्टलुक सार्वजनिक गरिएको छ ।

नारी दिवसको अवसर पारेर निर्माण युनिटले फिल्मको एक पोस्टर फष्टलुकको रूपमा ल्याएको हो ।

गणेश देव पाण्डेको निर्देशन रहेको फिल्ममा सुरक्षा पन्त, उषा रजक, निशा अधिकारी, मोनिका थापा, सुशील सिटौला, पुष्कर कार्की, तुफान थापा लगायत कलाकारको अभिनय छ ।

एथोलजी विधामा रहेर निर्माण गरिएको फिल्ममा नारी पात्रको सशक्त र अब्बल अभिनय रहेको बताइन्छ । ४ नारीको कथामा निर्माण भएको फिल्ममा नारीका अनेक रूपको कथा बुनिएको छ ।

फिल्मको निर्माता आभा शर्मा नेपाल हुन् । फोर क्युब इन्टरटेन्मेन्टको ब्यानरमा निर्माण भएको फिल्मको प्रदर्शन मिति जुर्न बाँकी रहेको छ ।