काठमाडौं । अभिनेता पल शाहले पछिल्लो एक वर्ष सिकाइको उर्बर समयको रुपमा लिएको टिप्पणी गरेका छन् ।

सामाजिक सञ्जाल फेसबुकमा पारिवारिक होलीको तस्बिरसहितका तस्विर राख्दै शाहले बितेको एक वर्ष सिकाइको उर्बर समय भएको टिप्पणी गरेका हुन् ।

सिकाइ जीवनभर अनवरत चलिरहने प्रक्रिया भएको भन्दै उनले मनमा कसैप्रति रिस बाँकी नरहेको उल्लेख गरेका छन् । सामाजिक सञ्जालमार्फत उनले आफूमा कुनै प्रतिशोधको भावना नभएको पनि प्रष्ट गरे ।

“छ त केबल आफ्नो कर्मलाई तिखार्ने र दर्शकको अपेक्षालाई पूरा गर्ने एउटै लक्ष्य । साथै, मेरो बितेको एक वर्षको त्यो घटनासँग जोडिएका सम्पूर्ण व्यक्तित्वहरुमा मेरो सदा सम्मान र सद्भाव,” उनले लेखेका छन् ।