काठमाडौं । इंग्लिस प्रिमियर लिग फुटबलमा म्यानचेस्टर युनाईटेडमाथि लिभरपुलले फराकिलो जित निकालेको छ ।

आइतबार राति भएको खेलमा लिभरपुलले युनईटेडमाथि ७–० को गोल अन्तरले जित निकालेको हो ।

लिभरपुलका लागि मोहमद सलाह, कोडी गाक्पो र डार्विन न्युनेजले २ २ तथा रोबर्टो फिर्मीनोले एक गोल गरे । यो जितले लिभरपुल २५ खेलमा ४२ अंकका साथ पाँचौ स्थानमा उक्लिएको छ ।

पराजित युनाइटेड २५ खेलमा ४९ अंकका साथ तेस्रो स्थानमा कायमै छ। यो लज्जास्पद हारले युनाइटेडलाई दोस्रो स्थानको म्यान्चेष्टर सिटीसँगको अंक दूरी घटाउने मौकासमेत गुमेको छ।