काठमाडौं । नेपाल वायुसेवा निगम (नेपाल एयरलाइन्स)को इतिहासमा पहिलो पटक महिला चालक दलको समूहले ककपिट सम्हालेको छ ।

अन्तर्राष्ट्रिय उडानका क्रममा पाइलट भावना पन्त र को–पाइलट सृजना रावतले शनिबार नेपाल एयरलाइन्सको न्यारोबडी ए-३२० जहाज काठमाडौं–दुबई रुटको उडान भरेका हुन् ।

दुवै जना महिला पाइलट पन्त र रावतले यो सफल उडान गरी इतिहास रचेका हुन् ।

नेपाल एयरलाइन्सका अनुसार अन्तर्राष्ट्रिय उडानमा महिलाले रचेको यो नयाँ इतिहास हो ।