काठमाडौं । माडवारी समाजलाई धर्मशालामा बनाएको अवैध संरचना हटाउन काठमाडौं महानगरपालिकाले अल्टिमेटम दिएको छ ।

बिहीबार महानगर प्रहरी प्रमुख राजुनाथ पाण्डे नेतृत्वको टोलीले माडवारी समाजलाई गौशालास्थित धर्मशालामा बनाएको अवैध संरचना हटाउन मौखिक रूपमा २४ घण्टे अल्टिमेटम दिएको हो ।

महानगरका मेयर बालेन शाहलाई सम्बोधन गरेर बुधबार पशुपति क्षेत्र विकास कोषले पठाएको पत्रमा कोषअन्तर्गत पर्ने क्षेत्रमा अतिक्रमित संरचना अझै बाँकी रहेकाले हटाएर सहयोग गरिदिन आग्रह गरिएको थियो ।

काठमाडौं महानगरपालिका ८ का वडाध्यक्ष आशामान संगतका अनुसार एक रोपनी जग्गा भोगचलनको सम्झौता भए पनि माडवारी समाजले १० रोपनी भोगचलन गर्दै आएको छ ।