काठमाडौं। भारत–चीन सीमा क्षेत्र पूर्वी लद्दाखको गलवान उपत्यकामा थप २ जना भारतीय सैनिकको मृत्यु भएको छ ।

पुल निर्माणमा खटिएका उनीहरुको श्योक नदीमा डुबेर मृत्यु भएको इण्डियन एक्सप्रेसको समाचारमा उल्लेख छ ।

समाचारमा जनाइए अनुसार मृत्यु हुने २ सैनिकहरुमा ३७ वर्षका नायक सचिन मोरे र २३ वर्षका लेसनायक सलिम खान रहेका छन् ।

नायक सचिन महाराष्ट्रको मालेगाउँका र लान्स नायक सलीम खान पंजाबको पटियालाका भएको बताइएको छ ।

यसअघि जून १५ मा यही क्षेत्रमा चिनियाँ सेनासँगको झडपमा २० जना भारतीय सैनिक मारिएका थिए ।