काठमाडौं । नेपाल प्रहरीमा उमेर ढाँटेर जागिर खाएको विषय प्रमाणसहित सार्वजनिक भएपछि प्रहरी नायब महानिरीक्षक (डीआईजी) श्यामलाल ज्ञवालीविरुद्ध अख्तियार दुरुपयोग अनुसन्धान अयोगमा उजुरी परेको छ ।

कैलालीका शेरबहादुर चन्दले डीआईजी ज्ञवालीको उमेरबारे अनुसन्धान गर्न माग गर्दै आयोगमा उजुरी दिएका हुन् । केही दिन अगाडि नेपाल प्रहरीका एआईजीसहित ६ डिआईजीको जन्ममिति फरक परेको विवरण सार्वजनिक भएको थिए ।

डीआईजी ज्ञवालीविरुद्ध कैलालीका शेरबहादुर चन्दले उमेरबारे अनुसन्धान गर्न माग गर्दै आयोगमा उजुरी दिएका हुन् ।उजुरीमा ज्ञवालीले प्रहरी सेवामा प्रवेश गर्दा पेस गरेको नागरिकता, सिटरोलमा उल्लेख गरेको जन्म मिति र शैक्षिक प्रमाणपत्रमा भएको जन्ममितिबारे अनुसन्धान गर्न माग गरिएको छ ।

डिआईजी ज्ञवालीको जन्ममिति ५ महिना ५ दिन फरक रहेको पाइएको छ । उनको सिटरोल र शैक्षिक योग्यतामा २०२५/५/२६ रहेको छ भने नागरिकतामा २०२४/१२/२१ उल्लेख छ । उनको डीआईजी बढुवा नै बदर हुने देखिन्छ ।

यस्तै अर्का डीआईजी भीमप्रसाद ढकालको पनि नागरिकता विवरण शङ्कास्पद देखिएको छ । डीआईजी ढकालको प्रहरी अभिलेखको जन्ममिति २०२५ साल मंसिर २८ गते छ । तर नागरिकतामा २०२४ साल मंसिर २८ छ ।

शैक्षिक योग्यताको विवरणमा भने २०२५ साल मंसिर २८ छ । यसरी हेर्दा ढकालको जन्म मिति फरक पर्न गएको अवधि एक वर्ष हुन्छ ।

यस्तो छ उजुरी :