कपिलवस्तु । कपिलवस्तुको शिवराज नगरपालिकाबाट प्रहरीले १६ किलो चरेशसहित एक जनालाई पक्राउ गरेको छ ।

पक्राउ पर्नेमा कपिलवस्तु शिवराज नगरपालिका – ९ बिजगौरी बस्ने मेघराज घर्ती रहेका छन् ।

घर्तीको घरमा लागु औषध चरेस लुकाइ छिपाइ राखेको भन्ने गोप्य सुचनाको आधारमा वडा प्रहरी कार्यालय चन्द्रौटा र ईलाका प्रहरी कार्यालय सुन्दरीडाँडबाट संयुक्त रुपमा खटीएको प्रहरी टोलीले उनलाई पक्राउ गरेको हो ।

घर्ती मगरको घरमा खानतलासि गर्दा घर भित्र लुकाई छिपाई राखेको तौल गर्दा १६ किलो लागु औषध चरेश जस्तो देखिने हल्का कालो गिलो पदार्थ फेला पारेको जिल्लाप्रहरी कार्यालय कपिलवस्तुले जनाएको छ ।