काठमाडौं । नेपाली कांग्रेसका महामन्त्री गगनकुमार थापाले पुरानो पाँच दलीय गठबन्धनबाटै राष्ट्रपतिको उम्मेदवार तय हुने बताएका छन्।

बिहानदेखि करिब साढे ३ घण्टासम्म प्रधानमन्त्रीको सरकारी निवास बालुवाटारमा बसेको बैठकपछि उनले यस्तो बताएका हुन् ।

उनले भने, ‘कांग्रेसले माओवादी, नेकपा एस र जसपासँग छलफल गरेका छौं । विभिन्न विकल्पबारेमा प्रस्ताव आएको छ । छलफल सकारात्मक छ । फेरि आआफ्नो दलमा साँझ पाँच बजे बस्नेगरी टुंग्याउछौं।’

कांग्रेसले प्रस्ताव गरेको र अन्य दलबाट आएको प्रस्तावमा कुरा भइरहेको बताए। महामन्त्री थापाले पुरानो पाँच दलीय गठबन्धनबाटै राष्ट्रपतिको उम्मेदवार तय हुने बताए ।