काठमाडौं । प्रधानमन्त्री पुष्पकमल दाहाल ‘प्रचण्ड’ कतारको राजधानी दोहा जाने भएका छन् ।

प्रधानमन्त्री प्रचण्ड दोहाबाट आफ्नो पहिलो विदेश भ्रमण गर्न लागेका हुन् । उनी फागुन २० गते दोहा जाने कार्यक्रम तय भएको बताइएको छ ।

दोहामा हुने विकाससम्बन्धी सम्मेलनमा प्रधानमन्त्री प्रचण्ड सहभागी हुने कार्यक्रम छ । अल्पविकसित राष्ट्रहरुको सम्मेलन मार्च ५ देखि ९ तारिख (फागुन २१ देखि २५ गते)सम्म आयोजना हुँदैछ ।

सो सम्मेलनमा विभिन्न देशका राष्ट्र प्रमुखहरूको सहभागिता रहनेछ । प्रधानमन्त्री प्रचण्ड फागुन २२ गते स्वदेश फर्किने छन् ।