काठमाडौं । नयाँ बसपार्कमा रहेको ल्होत्से मलमा प्रवेश गरेर मोबाइल लुटपाट गरेको आरोपमा प्रहरीले चार जनालाई पक्राउ गरेको छ ।
यातायात मजदुरको आन्दोलनका क्रममा ल्होत्से मलमा रहेका २ वटा मोबाइल पसल र काठमाडौं सुपर मार्केटमा लुटपाट भएको थियो ।
ल्होत्से मलस्थित मोबाइल पसलमा चोरी गर्दा गर्दै त्यहाँ कार्यरत सुरक्षा गार्डले उनीहरुलाई नियन्त्रणमा लिएका थिए । तर प्रहरीले पक्राउ पर्नेहरुको नामभने खुलाएको छैन।
गार्डले बुझाएका चार जनालाई प्रहरी वृत्त, महाराजगञ्जले हिरासतमा राखेर अनुसन्धान गरिरहेको छ ।
सोमबार सार्वजनिक यातायात क्षेत्रका मजदुरले गरेको विरोध प्रदर्शन भड्किएको मौका छोपेर लुटपाट भएको थियो ।
Leave a Reply