काठमाडौं । बैंक तथा वित्तीय संस्थाले ग्राहकको अनुमतिविना एकतर्फी रुपमा कुनै पनि प्रकारको वित्तीय सेवा उपलब्ध गराई सेवाबापत शुल्क लिन नपाइने भएको छ ।

केन्द्रीय बैंकले आज वित्तीय सचेतनाका लागि एक सूचना जारी गर्दै बैंक तथा वित्तीय संस्थाले यस्तो गर्न नपाईने व्यवस्था गरेको हो ।

ग्राहकको अनुमतिविना उपलब्ध गराइएका सेवाबापत कुनै शुल्क लिएमा १० प्रतिशत थप गरी ग्राहकको खातामा जम्मा गर्नुपर्ने व्यवस्था समेत छ ।

सेवाग्राहीले माग नगरेको सेवाबापत बैंक तथा वित्तीय संस्थाले कुन शुल्क लिएको भए केन्द्रीय बैंकलाई जानकारी गराउन समेत भनिएको छ ।