काठमाडौं । एकीकृत समाजवादीनिकट विद्यार्थी संगठन अनेरास्ववियूले स्ववियु निर्वाचनमा कम्तिमा ३३ प्रतिशत र अनिवार्य ५० प्रतिशत महिला सहभागिता हुनुपर्ने माग गरेको छ ।

अनेरास्ववियूकी महासचिव आरती लामा नेतृत्वको टोलीले विद्यार्थी कल्याण तथा खेलकुद महानिर्देशनालयका प्रमुख प्रा. पशुपति अधिकारीलाई उक्त कुरा माग गर्दै ज्ञापनपत्र बुझाएको हो ।

ज्ञापनपत्रमा भनिएको छ- नेपालको संविधान २०७२ ले हरेक क्षेत्रमा ३३ प्रतिशत महिलाको सहभागिता सुनिश्चित गरेको वर्तमान समयमा स्ववियु निर्वाचनमा कम्तीमा ३३ प्रतिशत महिला सहभागी गराउनु संविधानको मूल मर्मलाई आत्मसात गर्नु हो ।