काठमाडौं । आईसीसी लिग टू अन्तर्गत त्रिकोणात्मक सिरिज अन्तर्गत घरेलु मैदानमा नामिबियासँग खेल्दै नेपालले आज मंगलबार सिरिजको सुरुवात गर्दैछ ।

नेपाल र नामिबियाबीच हुने सिरिजको पहिलो खेल बिहान ९ बजेबाट कीर्तिपुरस्थित त्रिवि क्रिकेट मैदान कीर्तिपुरमा हुनेछ ।

आईसीसी विश्वकप क्रिकेट लिग–२ अन्तर्गत घरेलु मैदानमा हुन लागेको त्रिदेशीय एकदिवसीय शृङ्खलाको पहिलो खेलमा आज नेपालले नामिबियाविरुद्ध खेल्दैछ । शृङ्खलामा नेपाल, नामिबिया र स्कटल्याण्ड सहभागी छन् ।

एकदिवसीय मान्यता जोगाउन लिग–२ मा नेपालले अब बाँकी १२ खेलमध्ये ९ खेल जित्नै पर्ने दबाब रहेका कारण पनि घरेलु मैदानमा हुन लागेको यो शृङ्खला निकै महत्वपूर्ण छ ।