काठमाडौं । काठमाडौंको बालाजु क्षेत्रमा प्रहरी र यातायात मजदुरबीच भएको झडपमा दर्जनौँ घाइते भएका छन् ।

कानुनविपरीत बढाइएको भनिएको जरिवाना शुल्क घटाउन मागसहित आन्दोलित मजदुरहरुले नेपाल प्रहरीको बालाजु बृत्तले प्रयोग गर्दै आएको भ्यानमा आगजनी गरेपछि तनाव भएको हो ।

कम्तिमा पनि ३० मजदुर घाइते भएको मजदुर संगठनका अध्यक्षहरुले जनाएका छन् भने प्रहरीतर्फ पनि ९ जना घाइते भएका छन् । झडपमा ९ जना प्रहरी घाइते भएको र २ जनाको अवस्था गम्भीर रहेको उपत्यकाका प्रहरी कार्यालयले जनाएको छ ।

ट्राफिक जरिबाना बढी भएको भन्दै यातायात मजदुर आन्दोलनमा उत्रिएका थिए । प्रदर्शनकारीले प्रहरीको एउटा गाडी जलाएका छन् ।

हिले आन्दोलनकारीले बाटोमा गाडी तेर्स्याएर हिँडेको हुनाले हटाउन समस्या परिरहेको छ । उनीहरुले मंगलबार काठमाडौं उपत्यकामा सार्वजनिक सवारी बन्दको घोषणा पनि गरेका छन् ।