काठमाडौं । प्रतिनिधिसभा नियमावली मस्यौदा समितिको म्याद सात दिन थप गरिएको छ ।

समितिका ज्येष्ठ सदस्य चित्रबहादुर केसीले शुक्रबार दोस्रोपटक बसेको प्रतिनिधिसभा बैठकमा समितिको म्याद थप गर्नका लागि पेस गरेको प्रस्ताव सर्वसम्मतिले पारित भएको हो ।

गत माघ १० गते २१ सदस्यीय समिति गठन गरिएको थियो। समितिलाई कार्य प्रारम्भ भएको मितिले १५ दिन भित्र सो मस्यौदा प्रतिनिधिस भामा पेस गर्ने कार्यादेश दिइएको थियो। गत माघ १३ गतेदेखि काम सुरु गरेको समितिले म्याद बिहीबार नै सकिँदै थियो।

प्रतिनिधि सभाको अर्को बैठक माघ २९ गते आइतबार दिउँसो ३ बजेका लागि बोलाइएको छ।