काठमाडौं । प्रधानमन्त्री पुष्पकमल दाहाल ‘प्रचण्ड’सँग भेटेर एमाले अध्यक्ष केपी शर्मा ओली बाहिरिएका छन् ।

३ बजे तय भएको बस्ने उच्चस्तरीय राजनीतिक संयन्त्रको बैठक स्थगित गरेर ओलीले प्रधानमन्त्री प्रचण्डलाई भेटेका हुन् ।

सुदूरपश्चिम सरकारलाई नागरिक उन्मुक्ति पार्टीको विश्वासको मत नदिने अडान कायमै राखेपछि ओली पार्टी सचिवालय बैठक छाडेर प्रधानमन्त्री प्रचण्ड भेट्न सिंहदबार पुगेका थिए ।

प्रचण्डसँगको भेटपछि बाहिरिने क्रममा उनले भने,’सुदूरपश्चिमको सरकार जोगिन्छ होला । ठीकै छ ।’

सरकार गठनको बेलामा समर्थन गरेको नागरिक उन्मुक्ति पार्टीले विश्वासको मत नदिने अडान राखेपछि सरकार ढल्ने अवस्थामा पुगेको छ ।

सुदूरपश्चिम प्रदेशसभाको बैठक सुरु भएको छ । बैठकमा मुख्यमन्त्री राजेन्द्रसिंह रावलले सम्बोधन गर्दैछन्।