काठमाडौं । स्पेनिस जायन्ट रियल म्याड्रिड फिफा क्लब विश्वकपको फाइनलमा पुगेको छ ।

गएराति भएको सेमिफाइनलमा इजिप्टको क्लब अल अहलीलाई ४–१ को नतिजामा पराजित गर्दै युरोपियन च्याम्पियनले फाइनल यात्रा तय गरेको हो ।

रियल म्याड्रिडको जितमा भिनिसियस जुनियर, फेडेरिको भलभर्दे, रोडरिगो र सर्जियो अरिबास गाल गरे । अहलीका लागि अली मालौलले ६५ औं मिनेटमा पेनाल्टीमार्फत एक गोल फर्काएका थिए ।

फाइनलमा पुगेको म्याड्रिडले फेब्रुअरी १२ मा अल हिलाल क्लबसँग खेल्ने छ ।