एजेन्सी । टर्कीमा सोमबार फेरि शक्तिशाली भूकम्पको धक्का महसुस गरिएको छ ।

नेपाली समय अनुसार दिउँसो ४ बजेर ९ मिनेटमा ७.५ रेक्टर स्केलको भूकम्पको धक्का महसुस गरिएको अमेरिकी भौगर्भिक सर्भेले जनाएको छ ।

यसको केन्द्र अंकाराबाट ४२७ किलोमिटर र जमिनबाट १० किलोमिटर टाढा रहेको मिडिया रिपोर्टमा उल्लेख गरिएको छ ।

यसअघि टर्कीमा आएको भूकम्पमा हालसम्म १२ सय भन्दा बढीको मृत्यु भइसकेको छ भने ५,३०० भन्दा बढी घाइते छन् ।l