काठमाडौं । सोमबार सेयर बजार सामान्य अंकले बढेको छ । नेपाल स्टक एक्सचेन्जको अनुसार सोमबार नेप्से ४.५७ अंकले बढेर २१००.६५ विन्दुमा पुगेको छ ।

यसदिन १ अर्ब ४७ करोड ४१ लाख रुपैयाँ बराबरको ३९ लाख २२ हजार २१६ कित्ता सेयर किनबेच भएको छ ।

डेभलपमेन्ट बैंक समूह, लाइफ इन्स्योरेन्स, म्युचुअल फन्ड, नन् लाइफ इन्स्योरेन्स र ट्रेडिङ समूहको उपसूचक ऋणात्मक भएका छन् भने बैंकिङ होटल तथा पर्यटन, हाइड्रोपावर, इन्भेष्टमेन्ट, म्यानु एण्ड प्रो, माइक्रोफाइनान्स र अन्य समूहको उपसूचक आज धनात्मक भएका छन् ।

एनआईसी एसिया बैंक, युनिभर्सल पावर, नेपाल लाइफ इन्स्योरेन्ससहितका कम्पनीको धेरै कारोबार भएको छ ।