काठमाडौं । प्रधानमन्त्री पुष्पकमल दाहाल ‘प्रचण्ड’ले राष्ट्रिय स्वतन्त्र पार्टी (रास्वपा)का सभापति रवि लामिछानेलाई अहिले मन्त्री नबन्न आग्रह गरेका छन् ।

आइतबार विहान प्रधानमन्त्री प्रचण्डलाई भेट्न बालुवाटार पुगेका रास्वपा सभापति लामिछानेलाई प्रचण्डले यस्तो आग्रह गरेका हुन् ।

भेटवार्ताका क्रममा प्रधानमन्त्री प्रचण्डले गृह मन्त्रालय आफूले नै राख्ने र अर्को मन्त्रालय लिन उनलाई आग्रह गरेका थिए । उपनिर्वाचनबाट जितेर आए मात्र मन्त्री बन्न स्वाभाविक हुने उनको भनाइ थियो ।

गृह मन्त्रालय पाउनैपर्ने अडान राखेका रविलाई प्रचण्डले अहिले मन्त्री नै बनाउन नसक्ने जवाफ दिएको बालुवाटार स्रोतले बतायो ।

एक पटक गृहबाहेक अर्को मन्त्रालयका विषयमा पनि कुरा भएको तर प्रचण्डले मन्त्री बनाउन सकने बताएपछि रवि रिसाएर बाहिरिएका थिए ।

अहिले रास्वपाको केन्द्रीय समिति र संसदीय दलको संयुक्त बैठक जारी छ ।