काठमाडौं । आईसीसी एसियन क्वालिफायर्सको तयारी गरिरहे नेपाली यू–१९ टिम प्रशिक्षणका लागि पोखरा प्रस्थान गरेको छ ।

राष्ट्रिय क्रिकेट टिमको प्रशिक्षण तथा आउँदै गरेको त्रिकोणात्मक सिरिजका कारण त्रिवि मैदान उपलब्ध नहुने भएपछि यू–१९ टिम पोखरा गएको हो ।

राष्ट्रिय सिनियर टिमको प्रशिक्षण र प्रतियोगितालाई ध्यानमा राखि यू–१९ प्रशिक्षण प्रभावित नहोस् भनेर पोखरामा अभ्यास गर्न लागेको जनाइएको छ । १० देखि १२ दिनका लागि टिमले पोखरा क्रिकेट मैदानमा प्रशिक्षण गर्ने छ ।

आईसीसी क्रिकेट विश्वकप लिग टू अन्तर्गत नामिविया र स्कटल्याण्डसँगको त्रिकोणात्मक शृंखलाका लागि सिनियर टिमले त्रिवि मैदानमा अभ्यास गरिरहेको छ ।