काठमाडौं । नेपाली कांग्रेसका उपसभापति पुर्णबहादुर खड्काले राष्ट्रपति निर्वाचनको मिति तोक्न निर्वाचन आयोगलाई सुझाव दिएका छन् ।

आइतबार बिहान ट्वीट गर्दै उपसभापति खड्काले दायाँबायाँ नसोचि, नहेरि राष्ट्रपति निर्वाचनको मिति तोक्न आयोगलाई सुझाव दिएका हुन् ।

उनले राष्ट्रपति निर्वाचनको मिति घोषणा गरेर संशयको घेराबाट आफूलाई निर्वाचन आयोगले बाहिर निकाल्न उपयुक्त हुने बताए ।

‘दायाँबायाँ नसोचि, नहेरि। निर्वाचन आयोगले फागुन २८ अगावै सम्पन्न हुनेगरी राष्ट्रपतिको निर्वाचनको मिति घोषणा गरेर अहिले यस विषयमा देखिन थालेको संशयको घेराबाट आफूलाई समयमै बाहिर निकाल्नु संवैधानिक संस्थाको गरिमाका लागि श्रेयस्कर हुनेछ।’ खड्काले ट्वीटरमा उल्लेख गरेका छन् ।

राष्ट्रपतिको कार्यकाल फागुन २८ मा सकिँदैछ ।

दायाँबायाँ नसाेचि,नहेरि !
निर्बाचन अायाेगले फागुन २८ अगावै सम्पन्न हुने गरि राष्ट्रपतिको निर्बाचनकाे मिति घाेषणा गरेर अहिले यश बिषयमा देखिन थालेकाे संसयकाे घेरा बाट अाफूलाई समयमै बाहिर निकाल्नु संबैधानिक संस्थाकाे गरिमाकाे लागि श्रेयस्कर हुनेछ?
यश तर्फ बेलैमा ध्यान जाअाेस ?? pic.twitter.com/Rr0f3D4MMf

— Purna Bahadur Khadka (@NCPurnaKhadka) January 29, 2023