रुपन्देही । रुपन्देहीको भैरहवामा रहेको जेल रेष्टुरेन्ट बन्द गर्ने निर्णयबाट स्थानीय प्रशासन पछि हटेको छ ।

कानुनले बर्जित गरेका केही सामग्री नराख्ने र सामान्य रेष्टुरेन्टसरह व्यवसाय सञ्चालन गर्ने प्रतिबद्धता जनाएपछि रेष्टुरेन्ट सञ्चालन गर्न दिने निर्णय भएको भएको हो ।

प्रमुख जिल्ला अधिकारी भरतमणि पाण्डेका अनुसार रेष्टुररेन्ट सञ्चालनका लागि घरेलु तथा साना उद्योग कार्यालयले बाँकी मापदण्डहरुका बारेमा अध्ययन गरेर कानुनबमोजिम सञ्चालन गर्न दिइने छ ।

गत सोमबार जिल्ला प्रशासन कार्यालयको अनुगमन टोलीले देवकोटा चोकमा रहेको उक्त रेस्टुरेन्ट बन्द गरिदिएको थियो ।