काठमाडौं । प्रतिनिधिसभाको उपसभामुख पदबारे छलफल गर्न सत्तारुढ राष्ट्रिय स्वतन्त्र पार्टीले आज संसदीय दलको बैठक बस्दैछ ।

बैठक आज बिहान साढे ९ बजे सिंहदरबारस्थित रास्वपाको संसदीय दलको कार्यालयमा बस्न लागेको हो । सत्ता साझेदार दलबीचको भागबन्डामा उपसभामुख रास्वपाको भागमा परेको हो ।

रास्वपाबाट उपसभामुखमा सोबिता गौतम, डा। चन्दा कार्की, सुमना श्रेष्ठ र इन्दिरा रानामगरलगायत सांसदहरु आकांक्षी छन् । तर रास्वपाले सांसद सोबिता गौतमलाई उम्मेदवार बनाउने सम्भावना बलियो छ ।

काठमाडौं क्षेत्र नम्बर २ बाट निर्वाचित गौतमले कानुनमा बीएलएलबी गरेकी छन्। उपसभामुखको चुनाव यही माघ ७ गते हुँदै छ ।