काठमाडौं । उपप्रधान तथा गृहमन्त्री रवि लामिछाने र नेपालका लागि बेलायतकी राजदूत निकोला पोलिटबीच भेटवार्ता भएको छ ।

उनीहरुबीच बिहीबार बिहान गृह मन्त्रालयमै भेट भएको हो ।

भेटमा दुई देशको आपसी सम्बन्ध थप प्रगाढ बनाउँदै जाने विषयमा कुराकानी भएको बताइएको छ ।

सबैभन्दा पुरानो दौत्य सम्बन्ध रहेको नेपाल र बेलायतबीच सधै सुमधुर सम्बन्ध रहँदै आएको र आगामी दिनमा पनि द्विपक्षीय हित अभिवृद्धि गर्दै अघि बढ्ने बारे छलफल भएको बुझिएको छ ।