पोखरा । पोखरामा दुर्घटन भएको यती एयरलाइन्सको जहाज तीन टुक्रा भएको पाइएको छ ।

घटनास्थलमा जहाज तीन टुक्रामा परिणत भएको भेटिएको हो । अहिलेसम्म घटनास्थलबाट कसैको पनि जीवित उद्धार गरिएको छैन ।

आइतबार बिहान १० बजेर ३३ मिनेटमा काठमाडौंबाट पोखराका लागि उडेको ९ एनएएनसी जहाज अवतरणका क्रममा पोखरा विमानस्थलनजिक दुर्घटना भएको थियो ।

विमानमा चालक दलका चार सदस्य र ६८ यात्रीसहित ७२ जना सवार थिए । दुर्घटनामा पाँच भारतीयसहित १५ विदेशी नागरिक परेको खुलेको छ ।

साथै ५३ नेपाली यात्रु रहेको पुष्टि भएको छ । जहाज सेतीको खोँचमा खसेको हो । उद्धारकार्यमा नेपाली सेना, नेपाल प्रहरी, सशस्त्र प्रहरी, स्थानीयलगायत खटिएका छन् ।