धनकुटा । धनकुटाको सिधुवा बजारमा लागेको आगो डेढ घण्टापछि नियन्त्रणमा आएको छ । जिल्लाको छथर जोरपाटी गाउँपालिका वडा नं ६ सिधुवा बजारमा लागेको आगलागी नियन्त्रणमा आएको हो ।

शुक्रबार बेलुकी करिब ७ः४५ तिर झमक थापाको घरबाट सुरु भएको आगलागी बसन्तपुरको दमकल, नेपाल प्रहरी, सशस्त्र प्रहरी र स्थानीयबासीको सहयोगमा नियन्त्रणमा आएको बताइएको छ ।

आगलागीबाट चार घर जलेका छन् । त्यस्तै, आगो नियन्त्रणको लागि एक घर भत्काइएको छ ।

स्थानीय होम बहादुर थापा, डम्बर थापा, झमक थापा, अर्जुन घिमिरेको घर जलेको छ भने सन्तोष राईको घर भत्काइएको प्रहरीले जनाएको छ ।