एजेन्सी । अमेरिकी गायिका लिसा मारिया प्रेस्लेको मृत्यु भएको छ। ५४ वर्षिया लिसाको बिहीबार मृत्यु भएको हो।

हृदयाघात भएपछि उनलाई अस्पतालमा भर्ना गरिएको थियो। उपचारको क्रममा उनको निधन भएको हो।

उनको परिवारिक श्रोतअनुसार उनी क्यालिफोर्नियाको कालाबाससस्थित आफ्नो घरमा अचेत अवस्थामा भेटिएकी थिइन्।

उनी चर्चित अमेरिकी अभिनेता, गायक तथा संगीतकार एल्भिस प्रेस्लेकी छोरी हुन्। आमाबुवाको सम्बन्धविच्छेदपछि उनी आफ्नी आमासँग क्यालिफोर्नियामा बस्थिन्।

४ पटक विवाह गरेकी उनले सो लभ्ली, ओभर मी, इडियट, लाइट आउट, नोबडी नोटिस्ड इट लगायत गीतमा स्वर दिएकी छन् ।