विराटनगर । प्रदेश १ को सभामुखमा माओवादीका प्रदेशसभा सदस्य बाबुराम गौतमको एकल मनोनयन दर्ता भएको छ ।

सत्ता साझेदार दलहरुको तर्फबाट गौतमले सभामुखमा मनोनयन दर्ता गरेका हुन् ।

गाैतमकाे उम्मेदवारीमा एमालेका रेवतीरमण भण्डारी र माओवादीका नारायण बुर्जा मगर प्रस्तावक तथा राप्रपाका गोपाल विश्वकर्मा समर्थक रहेका छन् ।

नेपाली काङ्ग्रेसले भने सभामुखमा उम्मेदवारी नदिने भएको छ ।

९३ जना सांसद रहेको प्रदेश १ मा बहुमतका लागि ४७ सांसद आवश्यक पर्छ । ६० सांसदको समर्थन प्राप्त भए गौतम प्रदेश १ को दोस्रो सभामुख बन्नेछन् ।