काठमाडौं । विवादले घेरिएको बहुप्रतिक्षित बलिउड फिल्म ‘पठान’को ट्रेलर सार्वजनिक भएको छ।

निर्माण कम्पनी यश राज फिल्म्सको युट्युब च्यानलमार्फत सार्वजनिक ट्रेलर एक्सन र थ्रिलरले भरिपूर्ण छ।

यो यशराज फिल्म्सको चौथो स्पाई युनिभर्सको फिल्म हो। यशराज फिल्म्स ब्यानरबाट बनेका एक था टाइगर, टाइगर जिन्दा है र वार स्पाई युनिभर्सका फिल्म हुन्।

ट्रेलरमा शाहरुख खान र जोन अब्राहमबिचको टकराव र एक्सन दृश्यहरु रोचक देखिन्छन्।

फिल्ममा सलमान खानले टाइगर नामक केमियो चरित्रमा समेत अभिनय गरेका छन् । साथै, दीपिका पादुकोणको एक्सन अवतार पनि ट्रेलरमा देख्न सकिन्छ।

सिद्धार्थ आनन्दको निर्देशन र आदित्य चोपडाको निर्माण रहेको फिल्म माघ ११ गते बुधबार भारतसहित विश्वभर रिलिज तयारीमा छ । भारतीय स्वतन्त्रता दिवसको छेकोमा फिल्म आउन लागेको हो ।