काठमाडौं । राजधानीमा जारी रहेको पहिलो संस्करणको नेपाल टी-ट्वान्टीमा आज सोमबार एक खेल हुँदैछ ।

प्लेअफको दोस्रो खेलमा आज इलिमिनेटरको खेल हुदैछ ।

ईलिमेटर खेलमा काठमाडौं नाईट्स र विराटनगर सुपर किंग्सबीच खेल हुदैछ । किर्तिपुर स्थित टियु मैदानमा हुने खेल मध्यान्ह १२ बजेबाट सुरु हुनेछ ।

इलिमिनेटर खेलमा यस लिगको समूह चरणका खेलमा तेस्रो चौथो स्थानमा रहेका टोलीबीच खेल हुनेछ । विराटनगरले तेस्रो तथा काठमाडौंले चौथो स्थानमा रहदै समूह चरण समाप्त गरेका थिए ।

आजको इलिमिनेटर खेलको बिजेताले फाईनलमा स्थान बनाउँनका लागि आईतबार भएको पहिलो क्वालिफायरमा पराजित जनकपुर रोयल्ससँग फाईनल प्रवेशका लागि खेल्नेछ । पराजित हुने टोली भने प्रतियोगिताबाट बाहिरिने छ ।

लिगको विजेताले ५५ लाख रुपैयाँ पाउने छ । यस्तै उपविजेताले ३० लाख र तेस्रो हुनेले १० लाख र चौथो हुनेले ५ लाख रुपैयाँ पाउनेछन् ।