कास्की । कास्कीको पोखरा महानगरपालिका वडा नम्बर २४ का वडाध्यक्ष भरतबहादुर अधिकारीविरुद्ध जातीय विभेदको उजुरी परेको छ ।

विकासका कार्यक्रममा चासो राख्दा जातीय विभेद गरेको भन्दै सोही वडाकी दलित महिला सदस्य मैया नेपालीले आइतबार उनीविरुद्ध प्रहरीमा उजुरी दिएकी हुन् ।

पुस १८ गते सोमबार वडामा स्थानीय आमा समूहहरूलाई विभिन्न तालिम दिनका लागि छलफल डाकिएको थियो । तालिमका लागि डाकिएको छलफललाई नै वडा अध्यक्षले तालिमको उद्घाटन गराउने योजना अनुसार अघि बढाएपछि वडा सदस्य सरस्वती त्रिपाठीले विरोध गरेकी थिइन् ।

त्रिपाठीले विरोध गरेपछि अधिकारीले नेपाली माथि विभेद गरेको बताइएको छ । आइतबार जाहेरी दर्ता भएसँगै अनुसन्धान प्रक्रिया अघि बढाएको जिल्ला प्रहरी कार्यालय कास्कीले जानकारी दिए ।