काठमाडौं । जनकपुर रोयल्सले नेपाल टि-२० लिगको पहिलो क्वालिफायरमा लुम्बिनी अल स्टार्सविरुद्ध टस जितेर पहिला फिल्डिङ गर्ने निर्णय लिएको छ ।

टियु क्रिकेट मैदानमा भएको टसमा जनकपुरका कप्तान ट्रेभोन ग्रिफिथले पहिला फिल्डिङ गर्ने निर्णय लिएका हुन् ।

यस खेलको विजेता टोली सोझैं फाइनलमा पुग्नेछ । पराजित हुने टोलीले दोस्रो क्वालिफायर खेल्नेछ ।

मंगलबार एलिमिनेटर खेलमा विराटनगर सुपर किंग्स र काठमाडौं नाइट्सबीच प्रतिस्पर्धा हुनेछ । जसको विजेता टोलीले पहिलो क्वालिफायरमा पराजित हुने टोलीसँग भिड्नेछ ।

यस लिगको समूह चरणको दुई खेलमा एकआपसकाविरुद्ध खेलेका यि टिमहरुले १-१ खेल जितेका छन् ।