काठमाडौं । नेपाल टी–२० क्रिकेट लिगमा आज दुई वटा खेल हुँदैछन् ।

आज हुने पहिलो खेलमा काठमाण्डौ नाइट्स र विराटनगर सुपर किङ्ग्स खेल्दैछन् ।

यो खेल बिहान ९ बजे कीर्तिपुर मैदानमा सुरु हुनेछ । दुवै टोली जितका साथ प्लेअफमा स्थान सुरक्षित बनाउन चाहान्छन् ।

आज हुने दोस्रो तथा लिग चरणको अन्तिम खेलमा पोखरा एभेन्जर्स र फार वेस्ट युनाइटेड खेल्नेछन् । यो खेल दिउँसो १ बजेदेखि सुरु हुनेछ ।

प्रतियोगिताबाट बाहिरिसकेको फार वेस्ट अन्तिम खेलमा सुखद नतिजा निकाल्ने दाउमा रहेको छ । पोखरा भने जित निकाल्दै प्लेअफमा पुग्ने योजनामा छ ।

६ टोली सहभागी प्रतियोगितामा लुम्बिनी शीर्ष र जनकपुर दोस्रो स्थानमा छ ।