काठमाडौं । काठमाडौंमा जारी नेपाल टी-२० लिग क्रिकेट प्रतियोगितामा आज पनि दुई खेल हुँदैछन् । दुवै खेल कीर्तिपुरस्थित टियु मैदानमा हुनेछ ।

शुक्रबारको पहिलो खेलमा जनकपुर रोयल्स र लुम्बिनी अल स्टारबीच खेल हुँदैछ । खेल बिहान ९ बजेबाट सुरु हुनेछ।

यो खेल जितेर उच्च मनोबलका साथ क्वालिफायर खेल्न लुम्बिनी चाहान्छ । जनकपुर भने यो खेल जितेर दोस्रो स्थान पक्का गर्न चाहान्छ ।

आजै हुने दोस्रो खेलमा विराटनगर सुपर किंग्स र फार वेस्ट युनाईटेडबीच खेल हुँदैछ । खेल दिउँसो १ बजे बाट सुरु हुनेछ ।

विराटनगर यो खेल जितेर प्लेअफको सम्भाबना मजबुत बनाउन चाहान्छ । फार वेस्टका लागि भने प्लेअफको सम्भावना कायमै राख्न यो खेल जित्नै पर्नेछ ।