एजेन्सी । इंग्लिस प्रिमियर लिग फुटबलमा लिभरपुल पराजित भएको छ ।

ब्रेन्टफर्डको घरेलु मैदान कम्युनिटीमा गएराति भएको खेलमा लिभरपुल ब्रेन्टफोर्डसँग ३–१ गोल अन्तरले पराजित भएको हो ।

ब्रेन्टफोर्डको जितमा योयन वेस र ब्रायन एमबेउमोले गोल गर्दा एक गोल उपहार पाएको थियो । लिभरपुलका लागि एलेक्स चाम्बरलिङले गरेको गोल शान्तवना साबित भएको थियो ।

यो हारसँगै लिभरपुल अंक तालिकाको शीर्ष पाँचमा पुग्ने अवसर गुमायो। छैठौं स्थानमा रहेको लिभरपुलको १७ खेलबाट २८ अंक छ। जित निकालेको ब्रेन्टफोर्ड २६ अंकका साथ सातौं स्थानमा उक्लिएको छ।