काठमाडौं । आक्रामक ब्याटिङसँगै पोखरा एभेन्जर्सले नेपाल टि २० लिगमा पहिलो जित हात पारेको छ ।

लगातार पाँच खेलमा पराजित भएको पोखराले फार वेस्ट युनाइटेडमाथि तीन विकेटको कीर्तिमानी जित हात पार्दै प्लेअफको सम्भावना कायमै राखेको छ ।

टियु मैदानमा १ सय ८० रनको लक्ष्य पोखराले १९.३ ओभरमा ७ विकेट गुमाएर पुरा गर्यो ।

पोखरालाई पहिलो जित दिलाउने क्रममा आसिफ शेखले सर्वाधिक ४५ रन बनाए । कुशल मल्लले ४० तथा सुमित महर्जनले ३८ रन बनाए ।

फार वेस्टका लागि उमेर अलि,करण केसी र प्रकाह जैशीले समान २/२ विकेट लिए । त्यसअघि पहिले ब्याटिङ गरेको फार वेस्टले २० ओभरमा ९ विकेट गुमाएर १ सय ८७ रन बनायो ।

फार वेस्टका लागि उमर अलिले २२ रन बनाउँदा देव खनालले ३३ रन बनाए । रशिद खानले ३२ रन बनाए ।

छैटौं खेल खेलेर पहिलो जित हासिल गरेको पोखरा ६ खेलमा २ अंक अंक तालिकाको पाँचौ स्थानमा उक्लिएको छ ।

पाँच खेल खेलेर १ जित हात पारेको फार वेस्ट २ अंक सहित अंक तालिकाको पुछारमा झरेको छ ।

नेपाल क्रिकेट संघ क्यानको आयोजनामा शनिबारदेखि सञ्चालन भएको नेपाल टी २० लिगमा ६ टिमको सहभागिता रहेको छ।

लिगमा काठमाडौं नाइट,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।