काठमाडौं । जनता समाजवादी पार्टी (जसपा) ले केन्द्रीय कार्यकारिणी समितिको बैठक बोलाएको छ ।

राजनीतिक समितिको बैठकमा प्रस्तुत हुने कार्यसूची तथा पछिल्लो राजनीतिक घटनाक्रमबारे छलफल गर्न जसपाले पुस १६ गते बैठक बोलाएको हो ।

बैठक पार्टी कार्यालय बालकुमारीमा बस्ने प्रचार विभाग प्रमुख पूर्ण बस्नेतले जानकारी दिए ।

यस्तै, जसपाले पुस १८ र १९ गते राजनीतिक समितिको बैठक बोलाएको छ। चुनावी समीक्षा, विधान अधिवेशन, संगठन तथा आगामी कार्यदिशा लगायतका अजेन्डामा बैठक केन्द्रीत हुनेछ।