काठमाडौं । राजधानीमा जारी रहेको नेपाल टी-ट्वान्टी लिगमा लुम्बिनी अल स्टारले फर वेस्ट युनाईटेडबाट १ सय ३८ रनको लक्ष्य पाएको छ ।

टियु मैदानमा टस हारेर पहिले ब्याटिङ गरेको फार वेस्टले २० ओभरमा ६ विकेट गुमाएर १ सय ३७ रन बनाएको हो ।

फार वेस्टका देव खनाल ४८ रनमा आउट हँदा कप्तान हसमतुल्लाह शाहिदीले ३२ रन बनाए । करन केसीले अविजित १२ रन बनाउँदा भिम सार्की १५ मा आउट भए ।

हसिम अन्सारी र विनोद भण्डारी समान ११/११ रनमा आउट भए ।

लुम्बिनीका लागि शाड्ली भान शाल्बिकले २ तथा किशोर महतो,सागर ढकाल र हरमित सिंहले समान १/१ विकेट लिए।

लिगमा काठमाडौं नाईट्स,फार वेस्ट युनाईटेड,लुम्बिनी अल स्टार,पोखरा एभेन्जर्स,विराटनगर सुपर किग्सं र जनकपुर रोयल्स सहभागी रहेका छन् ।