काठमाडौं । राष्ट्रपतिले प्रधानमन्त्री पदमा दाबी गर्न दिएकाे समय सकिनै लाग्दा नेपाली कांग्रेसले आफ्ना सांसदहरूलाई प्रधानमन्त्री निवास बालुवाटारमा बोलाइएको छ ।

सत्तारुढ गठबन्धनको सरकार निर्माण हुने भनिए पनि कांग्रेसका सभापति शेरबहादुर देउवा कि नेकपा माओवादी केन्द्रका अध्यक्ष पुष्पकमल दाहाल प्रचण्डबीच को पहिलो प्रधानमन्त्री ? भन्ने बिषय टुंगिन नसकिरहेको बेला कांग्रेसले आफ्ना सांसदहरूलाई अपरान्ह १२:३० मा बस्ने कांग्रेस सांसदहरुको बैठकमा बोलाएको हो ।

सांसदहरूको सरसल्लाह र सुझावअनुसार कांग्रेसले भावी रणनीति बनाउनेछ । कांग्रेस ठूलो दल भएका कारण सरकारको नेतृत्व आफै लिनुपर्ने दवाव पनि छ ।

राष्ट्रपति विद्यादेवी भण्डारीले प्रधानमन्त्री पद दाबी गर्न दिएकाे एक साताकाे समय आइतबार बेलुका ५ बजे सकिँदै छ ।