काठमाडौं । नेपाल भ्रमणमा रहेका भारतीय अभिनेता विवेक ओबराय स्वदेश फर्किएका छन् ।

१० दिने भ्रमणका लागि परिवार सहित नेपाल आएका उनी शनिबार साँझ स्वदेश फर्किएका हुन् । व्यवसायी पुनम यादवको पहलमा परिवारसहित ओबराय गत मंसिर २८ गते नेपाल आएका थिए ।

उनले नेपालमा राजनीतिक दलका नेतासँग भेटघाट, पशुपतिनाथको दर्शन, चन्द्रागिरी अवलोकन, पोखरामा हाई ग्रङग एड्भेन्चर्समा जिपलाइन, स्काइक्रिमर, अन्नपूर्ण केबलकारको अनुभव समेत लिएका थिए ।

नेपालको खानाको समेत तारिफ गरेका उनले फेरि नेपाल आउने प्रतिबद्धता व्यक्त गरे ।