काठमाडौं। काठमाडौं उपत्यकामा आज बिहानैदेखि कुहिरो लागेका कारण त्रिभुवन अन्तर्राष्ट्रिय विमानस्थलमा उडान प्रभावित भएका छन् ।

बिहानैदेखि यहाँबाट हुँदै आएका बाह्य तथा आन्तरिक उडान प्रभावित बनेको हो । उडानहरु अवरुद्ध बन्दा यात्रा गर्नेहरुलाई भने असहज भएको छ ।

विमानस्थलका महाप्रबन्धक प्रेमनाथ ठाकुरले बिहान केही विमान अवतरण हुन सके पनि त्यसपछि बाह्य र आन्तरिक उडान हुन नसकेको बताए ।

मौसममा सुधार आएपछि नियमित रुपमा विमान उडान हुने महाप्रबन्धक ठाकुरले बताए। काठमाडौंसहित देशका पहाडि तथा तराईका भू-भागमा हुस्सु/ कुहिरो लागेको छ।

हाल नेपालको पूर्वी भागमा पश्चिमी न्युन चापीय प्रणालीको आंशिक प्रभाव रहेकाले मौसममा परिवर्तन भएको मौसम पूर्वानुमान महाशाखाले जनाएको छ।