काठमाडौं । जनता समाजवादी पार्टी नेपालका सांसदहरुले आ–आफ्नो जातीय पहिचान झल्किने पोशाकमा शपथ ग्रहण गर्ने भएका छन् ।

सबैको पहिचान र अस्तित्वको सवाललाई प्राथमिकताका साथ उठाउने पार्टीका लागि आ–आफ्नो भाषा र पोशाकमा सांसदहरुले शपथ लिने कुरा स्वभाविक रहेको प्रचारविभाग प्रमुख पूर्ण बस्नेतले बताए ।

यद्यपी सांसदहरुलाई राष्ट्रिय पोशाक वा जातीय पहिचान झल्किने पोशाक छनौटको सुविधा भने रहेको उनको भनाइ छ । संसद् सचिवालयले बिहीबार जेष्ठ सदस्यबाट सपथ कार्यक्रम राखेको छ।

सांसदहरूलाई सपथ खुवाउन राप्रपाका निर्वतमान अध्यक्ष पशुपतिशमशेर जबराले बुधबार राष्ट्रपति विद्यादेवी भण्डारीसँग सपथ लिएका छन्।